“拗撬”（亦有人寫成“詏撬”）喺粵語裡頭係指“有爭執，意見不合而鬧矛盾”。呢個查實係詞源於英文”argue”嘅音譯，其意思系爭執，爭論。通常會形容兩個人之間因為某些事情而吵架，產生拗撬。而“撬”字亦表示用槓棒或尖利嘅工具借助支點撥動或挑起東西，粵語裡頭有一句俚語叫“撬牆腳”，即橫刀奪愛嘅意思。
“嗌交”喺粵語裡頭係指吵架。 “嗌”，粵音同“唉”，喺古漢語中表“咽喉”之意，廣府粵語則引申為從咽喉中發出嘅聲音，即“叫喊”。
而“嗌交”該詞，屬於古百越語遺留，喺古百越語中，“交”意思系“執拗、強辯”，古百越語“頂嘴”就叫做“交”嘴，故“嗌交”，即吵架。同理，打交原意是“因頂撞執拗而打架”。
“鬧人”嘅粵語正字應為“呶人”，指“罵人”嘅意思。該詞屬於古漢語遺留，“呶”，粵音同“鬧”，據《宋本廣韻》：“喧呶。”即指人沒完沒了咁講話，惹人討厭。後嚟喺粵語使用流傳中表示責罵嘅意思，現代粵語使用者將其誤寫作“鬧”，其實應該為“呶”。