粤讲粤叻——㜺鬼粤语麻雀术语,会打麻雀的广东人一睇就明!

麻雀(麻将)古时候又叫马吊,而广东麻雀里面又有好多特别慨术语,呢尐术语好有趣,外省人唔一定听得明,但系每一个广府人听到呢尐术语都会觉得好有亲切感。 (为便于理解,以下字词并非全部是粤语本字)

麻雀牌嘅粤语花名

粤语名解释

万子——万子

条子——索子

筒子——筒子

番子——番薯、番子、砖头

花——“春夏秋冬梅兰菊竹”八张牌

百搭——鬼

一筒——大饼

二筒——眼镜、文胸

三筒——斜纹

一索——雀仔、鸡

二索——棍仔、工厂妹(易嗍)

三索——底裤

八索——坦克

白板——靓仔、棺材

各种“糊”类

食糊——手上的牌全部都组合好,胜出

叫糊——还差一只有用的牌才能食糊

鸡糊——又有三只相同,又唔系清一色,又有顺数位慨牌

天糊——只系庄家先可以食,起首14只牌就食糊

地糊——庄家打出第一只,其它任意一人食糊

人糊——非庄家先可以食,第一只自己摸慨牌就食糊

对对糊——只有三只三只相同慨组合

平糊——全部都系顺数位慨并且唔系清一色

炸糊——以为食糊,摊出牌来,其实并未符合食糊慨条件

出宠(冲)——放炮,某人出的一只牌正是别人叫糊等的牌,他出此牌令到别人食糊

截糊——某人出的牌令到同时有两人可以食糊,上家的人食糊令到下家的不能食,叫做截糊。

弃糊——放弃食糊,有意唔食糊拖累其它人食唔出。

叫哑糊——叫一尐食唔到糊慨牌或绝张牌。

其它各种术语

甩牌——唔使睇,通过用手摸就知道系乜嘢牌

打同通——两人或几个人合谋通水

碰——-手上有两只相同,再从人家刚出的牌上攞一只

上——上家刚大慨牌同手上慨牌可以组成三只顺数,就可以上

杠——有四只相同牌时可以杠

站长——长时间思考嗰位

门前清——未上过或未碰过

九张落地——因上或碰牌后而必需反出畀人睇到的九张牌

十二张落地——因上或碰牌后而必需反出畀人睇到的十二张牌

诛下家——-有意令下家唔可以上牌

猪(诛)大嫂——令下家唔可以上牌慨人

收藏家——收收埋埋人哋需要慨牌的人(怪唔之得摸唔到啦!)

种番薯——有意留着番子牌,又叫“养番子”

一黐牌——顺数字的三只或相同的三只,又叫“一楷牌”

单吊——只能叫一只牌

眼—— 一手牌中唯一嘅一对,七对子除外

叫眼——食眼的另外一只,属于单吊之一,又称“单叫眼”

后兜——第一次唔要或留意唔到,第二次或以后再觅需要的牌。

卡窿——顺数字慨三只慨中间嗰只。

打骰——投骰子选择摸牌的起始位。

执骨(执骰)——辘骰仔后捡起骰仔免它四围溜。

杠爆——四张牌相同之后杠,摸尾段最后一只,又啱啱系食糊就叫“杠爆”

杠上花——杠之后从后面摸返一只牌刚好令到成副牌糊出

眼—– 一手牌中唯一慨一对

高章——-形容人打牌好高手

罚章——罚停摸一次牌

差“一章”牌——再摸多一只有用慨牌先可以叫糊

番——赢牌后计算筹码数慨一种计量单位,衡量一手牌胜出之后可以赢对手几多筹码(钱)

三番起糊—— 一手牌食出之后要三番以上才能食糊

对死——各人手上拿的牌正是别人叫糊等的牌,互相都不出,令到大家都唔可以食糊

“林”庄——因为食糊而继续做庄

冧庄——因为对手食糊而使自己的庄位转移到下家

双(三、多)飞叫——叫两(三、多)只牌。

见光死——打出慨牌唔准收回,又叫“见白不收”

花张——不整理牌

明杠——碰咗三只,自己再摸第四张相同慨牌杠牌

暗杠——自己杠没有碰过的四张牌,而且牌不公开

抢杠——食糊慨人食杠牌慨人的明杠牌

大相公——手上慨牌多咗

小相公——手上慨牌少咗

海底捞月——摸最后一只食糊

经典句:

食头糊,输甩裤。
宁叫卡窿,莫叫对碰。

上碰下自摸。