老广穗话——广东人一定听过的㜺鬼粤语数白榄,你又认识几多?

数白榄又叫数板,系以前民间流传慨街头娱乐,类似于现在的Rap。任何人都可以系数白榄慨表演者,喺以前,玩亲数白榄慨多数都系一尐贫苦老百姓,总之边个有尐主题想讲又有几分作词慨天份,就可以向大家演唱下,有一个人唱又或者可以几个人和住嚟唱;数白榄嗰阵,演唱慨人会拎住用绳连住慨两块细木板做拍板,一路拍出节奏一路唱出想讲慨内容。

数白榄慨内容大多数都系以讽刺时弊为主又或者系舒发一吓对某尐嘢慨感受,有时会讲吓当朝慨政事,有时又会讲吓城中大小慨热门话题,因为咁,喺每逢有人系街头度数白榄,尐路人甲乙丙都会停低落嚟睇热闹,重会加入埋嚟一齐吹吓水,冷嘲热讽一下。

依家喺一尐粤剧或者京剧里面仲可以欣赏得到数白榄慨表演;而学术一尐嚟讲,数白榄其实已经归咗入戏曲之中慨一门,叫做“说白”。

如果有睇过香港电影明星周星驰慨喜剧作品《唐伯虎点秋香》,剧中有一段戏都有玩形式类似慨数白榄,不过渠慨版本系一个夸张版。

而另外一个应该有好多人听过慨,以中国医学为基础慨中药补健食品广告,亦都有用数白榄嚟做宣传,其中一句“…锄得多,伤气力,消耗一定要补充,唔想失威悲到极…”更加系耳熟能详。